Lapolis anonse yo mare tankou krab Sis (6) bandi ki fè pati gang 5 Segondè lan k ap opere nan vilaj de Dye. Sa pase nan aswè jedi pou louvri vandredi 26 me 2023 a nan lokalite Grand Boucan, yon vil ki sitiye nan depatman Nip an Ayiti.
Bandi sa yo se: Jahnesta Milfort, alyas Djadji, ki gen 18 lane, Cerisier Gina 37 lane, Guyvens Cerisier, alyas Bòs solo 35 lane, Wildord Salvadon, alyas Trip kòde 28 lane, Jonel Fougette 35 lane ak Anderson Desire, aka Sonson 18 lane.
Daprè youn nan bandiyo, yo tout nèt se manm aktif ki t ap evolye nan nan gang 5 Second lan ki trouve li nan vilaj de Dye.
Pandan arestasyon sila, fòs lòd yo te jwenn plizyè bagay nan men bandi yo: 423 dola ameriken, 447 535 goud, Sis (6) telefòn selilè, Twa (3) sovgad ak De (2) kat idantifikasyon nasyonal.
Pou moman sa a, yo mete yo nan gadavi anba sipèvizyon lapolis, annatandan yo antreprann pouswit legal ki nesesè yo.
Sérondier LOUISIA, Centre à la UNE